Itsasaldeko Izarra

Elkarrengandik sekula aldentzen ez diren lau lagunen istorioa kontatzen du ipuin honek. Helburu komun bat dute: mundua aldatzea, pertsona guztientzat bidezkoagoa eta politagoa izan dadin. Horretarako, beren talentuak bilatzeko prozesu interesgarri batean murgilduko dira. Zertan dira onak? Zer dakite ondoen egiten? Laurek beren baitan bilatu, eta ametsak lortzeko dituzten gaitasunik nabarmen eta baliagarrienak aztertzen dituzte, aurkitu arte. Sofia da bilaketa horretan zalantza gehien dituena; baina, azkenean, ohartuko da beti begi bistan izan duela bizitzako eginkizunik garrantzitsuena: lagunak babestu eta betiko sostengatzea. Lau neskek beren talentuak nola batzen dituzten ikusiko dugu, eta beren ametsak lortzeko elkarrekin nola lan egiten duten.

BALOREAK

Ipuin honen bidez, lau lagunen arteko adiskidetasunaren boterea nabarmendu nahi da. Denbora eta espazioa gainditzen dituen botere eraldatzailea. Maitasuna, sororitatea, eskuzabaltasuna eta leialtasuna dira lau neskek defendatzen eta sustatzen dituzten balioetako batzuk, ELKARREKIN diseinatutako mundua aldatzeko amets horretan.