Corazón de castaña

Martiño é un neno que adora o monte. Pero unha tarde de outono, algo inesperado cambia todo: un incendio aparece e o monte deixa de ser o mesmo. Martiño terá que descubrir como pode enfrontarse a esta nova realidade, e intentará poñerlle solución coa axuda de toda a escola. Tras este suceso, todo o mundo entenderá a grande importancia que ten o coidado da natureza. 

VALORES IMPLÍCITOS

Nesta historia, trabállase o respecto e o coidado do medio ambiente a través do amor de Martiño polo bosque. Tamén transmite outros valores como a responsabilidade persoal e a importancia da cooperación de todas as persoas. Ademais, transmite unha mensaxe de esperanza, demostrando que mesmo os xestos máis pequenos poden contribuír a construír un futuro mellor.