Aldo Hanka Motz

Aldo axolote txiki-txiki eta berezia da. Bere hankatxo motzek eta gorputz luze-luzeak ez diote uzten igelak bezain altu salto egiten, ezta arrainak bezain azkar igeri egiten ere. Baina, bisitari bihurri batzuek ezustean topatzean, Aldok nabarmentzeko aukera izango du. Aldorekin batera bizi ezazu abentura goxo hau: erronkez, laguntasunez eta ikaskuntzez betea. Istorio honek erakusten du gure berezitasunek ematen digutela benetako indarra, txikienek ere botere handia dutelako.

BALIO INPLIZITUAK

Aldok erakusten digu besteak diren bezala onartzearen garrantzia, eta desberdinak izateak bakarrak eta bereziak egiten gaituela. Istorioan zehar landu egiten dira autoestimua, norberarenganako konfiantza, ahalegina, elkarlana, errespetua eta sormena. Mezua argia da: txikienek ere gauza handiak egin ditzakete, eta bakoitzak badu bere lekua komunitatean.