Isabel, a abella sen mel

Cóntase a tristura da abella Isabel, que non se resigna a non poder facer o seu mel, por mor da ausencia de flores na selva, debido á contaminación e ao pouco coidado da natureza. Isabel vai á procura de flores cando vai coñecendo a diferentes animais que non poden axudala, ata que se atopa de cheo co coello Alexo que lle dará a solución.

PREDETERMINACIÓNS:

A literatura infantil ademais de divertir debe ensinar, os nenos identifícanse cos protagonistas, idealízanos, factor que debemos aproveitar a favor da convivencia entre as persoas, a cultura e o medio. 

A finalidade deste relato ademais da diversión está no feito de contribuír á creación de habilidades e actitudes para entender a relación mutua entre home e medio. Coñecendo recursos para preservar a contorna, asumindo comportamentos de respecto e coidado do mesmo, así como valores de axuda, escoita e amizade. 

Todos estes aspectos observanse ao longo do relato entre os diferentes animais. É por iso que para recalcar a importancia da non contaminación e do consumo responsabel foron escollidos para a ilustración materiais de reciclaxe.